轉鬼故(真人真事)　

呢件事係發生0係大約四五年前
當年小女大約兩歲,
啱啱開始識得講句子,但唔伶俐,不過都總算聽得明
有一晚我去左將軍澳吉吉島玩具部諗住買個玩具bb比佢
揀呀~~~揀,0係咁多款公仔之中,比我揀左個冇自己系列,冇自己貨架0既盒裝公仔
我攞落黎睇下覺得幾得意呀~對眼仔可以上下鬱動,又細細個,而且仲有一個小熊仔,啱曬小朋友
但我見得一個
又冇其他同系列款可以比我揀
咁我就攞盒公仔去收銀處問有有其他款可以比我揀我一咁問
等左好耐,佢出黎用部電腦睇下有冇貨,等下等下佢話冇其他,得返一個
冇所謂啦,反正呢個啱心水,細細個,小朋友容易抱住
返到屋企仲幫個公仔改左個名叫bb,小女仲好鍾意喎,成日抱住,
跟住過左一排,小女成日都大喊,由細到大都未聽過佢喊成咁,
平時一喊就知佢想點,而傢真係攪佢唔掂
成日都冇啦啦喊,又難收聲,其後仲慢慢惡化
連夜晚訓覺都會突然咁樣喊
之後直頭唔願入房訓(佢訓我地隔離張bb床)
咁我就長期同佢一齊0係廳開住電視訓地下
因為佢唔肯息電視,即使電視冇聲都好一定要長開
我有試過多次0係佢訓箸期間息左個電視
但佢都會即時大喊話要開返,仲醒訓過我
我0係冇計之下諗計啦,話攞個bb比佢同佢一齊訓啦,
但佢一聽到bb兩字就發曬皮氣,大喊話唔要....唔要..........
個排真係攪到我冇覺好訓,電視又光,地下又硬,佢又係唔係都喊,每次喊又難收聲,
但佢星期六日去我爸屋企過夜,我爸又話冇咁情況出玩喎
不過個bb就打左入冷宮,其實係放左0係bb床頭,不過冇再攞黎玩
咁樣日子過左一,兩個月左右,有一晚同個舊同學食飯
講下....講下....講到落小女身上,咁就講返近排所發生既事
初初講我地都唔知咩事,唔記得講開咩,我同佢講買左個公仔比佢
佢就問我咁多件事係發生0係買公仔之前定之後
我左諗右諗,就話0係買公仔之後...........
跟住我同佢一五一十咁講曬佢知,愈講愈似鬼故.........
我就開始識驚啦,佢又打電話比佢媽,諗住老人傢有方法
我同佢媽傾電話時,比佢媽鬧我買呢d公仔,仲要起名
佢話呢d野唔可以有名架,一有名就惡架啦~~~~點知姐
佢媽敎路一間攞個公仔去十字路口,同買份唔知咩一齊燒左佢
但咁夜去邊買野燒呀~~伯母
我同學同我一齊返屋企將個公仔同埋同盒0既小熊公仔一齊放入個雙層膠袋入面
再攞落去樓下公園個垃圾桶度掉左佢,但冇燒過野
之後有冇人攞左就唔知啦,因為經常有人巢垃圾桶,所以我用雙層膠袋打包
但事件仲未完.............
佢開始願意訓返房自己張床,咁我訓返自己張床\
但夜晚仲會聽到bb床活門向上向下拉動0既聲(唔記得掉公仔之前有冇發生過)
有晚我合埋眼等(合埋眼又唔可以訓係好辛苦),
終於比我聽到呢d拉門聲啦,我慢慢張開細細地咁望,又望唔到度門有鬱喎
但同時肯定係聽到0個度門拉動0既聲,不過我都唔敢鬱,隻有觀察!
過多一排,啱啱好係我掉左個公仔0既一個星期0既深夜
我女又大喊,喊到兩公婆都醒左,今次喊到點都唔收聲
我就發火啦~~~係咁對住空氣大鬧,我老公直頭坐左0係張床度睇住我鬧....
鬧到都唔知鬧咩好,我就收聲開燈問個女仲咩喊
小朋友當時講野唔係好清晰,佢一下一下咁講(唔係好記得講咩先)
話頭先有人打佢......
咩人呀?...........姐姐呀~
姐姐?咩姐姐呀?(呢句問左幾次)............姐姐叫....張
我同我老公一聽到個名就知恐怖到爆Bd
因為一個咁細0既小朋友識0既人唔多,連爸媽咩全名都未知<BG6Z
而且咁細個冇理由會講大話呀~~afVb
本來當時都有諗過個名會唔會係.......(佢想講)張被~張床~
打點講都講唔服自己,根本就係一個女仔名........!
過左兩三年左右(唔記得)
自己一個人行將軍澳吉吉島,行下行下行左去玩具部,放人形公仔個區JE3jE
點知......又比我見返佢,
佢既位置同我當年見佢個時一樣,又係得一盒,冇自己0既系列,就咁放左0係其他品牌公仔上面
而且盒內公仔完全一樣
我一見到就即走啦~~~~~~~~~~