2012-5-14 22:21
wilson015
恐怖 k box 親身經歷
我之前响呢間 k 度做，前生叫東方龍珠，即係依傢 ge Neway ，一向出哂名猛鬼
，2樓以前左手邊直入係 box 同 toilet ，右手邊係大堂，個大堂一到收工後，就會有一班著白衫 ge 物體响度開 p ，清潔亞姐都嚇到半死；而2、3 樓 ge 電梯口亦係最易撞鬼；3 樓以前一出 lift 有幾間 box ，右手邊係一個大厨房，左手邊直入右角落係員工 locker ，另一邊就有3、4 個幾十年代 ge toilet ，再直入有條唔知去邊 ge 竄路……
親身經歷：
有次响 2 樓 toilet ，我自己一個人去完厠所洗緊手，而 toilet 門一向係打開 ge ，我見到門邊轉角位有 d 白色嘢轉咗出去，我第一個唸法就係印象中當日好似冇人著白裙，而且我見到 ge 仲係好似拖尾婚紗果條拖尾，日光日白邊會有人著到咁誇，我好奇追出去，但左右兩邊都冇發現，而成班侍應就企正响出面，冇一個人話見到，我再問公司其它人，亦冇人見過；
有次同樣地點，去去吓 toilet ，發現最入果格隱約好似有人，但我隻見到個頭 ge 影，越唸越驚，連裙未著好都唔理即閃，而之後開始陸逐有人見到，而且仲見到著紅衫，起初個個都好驚，後來因為每層 toilet 都隻得 3 格，急起上嚟等唔切，有幾個都局住頂硬上入果格，一路解決一路自我安慰咁講住「大傢同一間公司，河水不犯井水，你會保佑我 ge 」，不過奇就奇在，佢哋愛上咗果格，事緣係佢哋話去咗果格厠所之後旺咗好多 wor ，但我打死都唔去兼唔會自己去 lor ；另外
，3 樓 ge toilet 係依然冇人肯去 ge ！！